वासिङटन डिसी, ८ जेठ । अमरिकी राष्ट्रपति भवन ह्वाइट हाउसको बाहिरको भागमा गोली चलेको खबर आएको छ ।
यूएसपार्क पुलिसका अनुसार मुख्य भवन नजिकै रहेको चेकपोस्टमा एकजना हतियार बोकेको व्यक्तिले गोली प्रहार गरेका थिए । तर, सुरक्षाकर्मीको जवाफी कारबाहीमा ती व्यक्तिलाई गोली लागेपछि गम्भीर घाइते बनेका छन् ।
घटनापछि केही समयका लागि व्हाइट हाउसलाई बन्द गरिदिइएको थियो । ह्वाइट हाउसलाई पुनः खोलिएको छ ।
गोली चलेका बेला अमरीकी राष्ट्रपति बराक ओबामा मैरील्यान्डमा गोल्फ खेलिरहेको बीबीसीले जनाएको छ । ती व्यक्ति ह्वाइट हाउसमा हतियार लिएर किन गएका हुन् सो विषयमा अमेरिकी पुलिसले अनुसन्धान थालेको छ ।
पुलिसको गोली लागेर घाइते भएका ती व्यक्तिलाई स्थानीय अस्पतालमा उपचारका लागि भर्ना गरिएको छ । उनको अवस्था गम्भीर छ ।
अमेरिकी उपराष्ट्रपति जो बाइडेन गोली चलेका बेला व्हाइट हाउस मै थिए ।
गएका वर्षहरूमा ह्वाइट हाउसमा सुरक्षासँग सम्बन्धित धेरै घटनाहरू भएपछि राष्ट्रपति भवनको सुरक्षामा धेरै फेरबदल गरिएको थियो ।
0 comments
Write Down Your Responses